Nuan mete Dahe Natan
Nuan Koda keru keru
Koda Maan Ago Ile Aleng gole
Weli Uma Tukan Nuba Pito
Leron Nodi rapet delay
Leron tutu baki baki
Tutu maan pake Peni Utan Wuun Lolon
Rae Lango Lolon Nara Lema
Tuun Keru mete pana
Pana doray dore laran
Laran Nuba Pito Lewun
Lewo Lamaholot
Wulan Baki mete Gawe
Gawe Delay tedo ewa
Ewa Nara Lema tanhan
Tana Diken tena lema
Ina peni Utan Lolon
Mo nimun koda kamen
Mette koda mai sera amak orantua
Ti kame ake mai bote geser
Bine Nini Koli Wuan
Mo wanan Kirin Lewun
Liwwo kirin mai soron Inak Wae Belek
Neng kame ake mai pari pana
Media, 02062023
Kumpulan Puisi Koda Keru
Kebesa Liku Lewu
