Ina Tokane

Ina Babin sare
Ina Ewa Dike

Ola Sita Ina Wae
Pana Mete Tula Raran
Gute mete mai Gelekat
Ikit mabe maro Gewayan
Gelekat Lewo Lamaholot
Gewayan tana Watan Lema

Ola Sita Ina Wae
Pasin parin nubun pulo
Pao suduk nulan lema
Koda mete ake leda leim
Kirin modi ake wayon liman
Leim labin laba ihin
Limam wayong no selaka

Ina Barek ata Suku Tokan
Sedon mabe luo lolon
Gawe modi Gawe hakanai
pana modi pana weli nai
Tukan Tukan haka mai
Lolon lolon Rae Mai

Ina
Barek ata lamadiken, diken Wai matan pito
Binek
Sedon Modi Nuha Nebon, Nebon sappe watan Lema

Nuan mete Dahe Natan
Musim dapen dei nodin
Pana Gere ina Barek lamatokan jaga leim ake gasuk
Gawe Lodo Binek Peni utan Lolon sada limam ake geredok
Heleka
Modi mewan sappe nawa nai

Medio, Mei 2023
Kebesa Liku Lewu