Tuun siko mete dahe
Sedon tedun deken dike dike
Tedun dike inak ata waebelek
Naro Newan Koda Ihin selaka
Misum nimun nodi kenehin
Barek Babin Dore Sare Sare
Babin sare Amak ata Orantua
Nai dope kirin Lapiten Belaon
Sedon mo ina Puken
Puken Ribu mete Rai Tani Mayan
Mayan Naran Mai Gute Gelekat
Gelekat Lewo Watan Lema
Barek mo Binek Nimun
Nimun Ratu Mete Nodi Utan Toen
Toen nirek mete nai Hode Gewayan
Gewayan Tana Lamaholot
O… Sedon Watan Lema
Sedon ata Tokan Sura Dewa
Tokan Tukan Weli mai
Ake Soot ake geredon
O.. Barek Lamaholot
Barek ata lamalian jadi talin
Lamalian Lolon haka nai
Ake miako ake kedukuno
Heleka….
Helero….
Mo Ina Tokane
Mo lOla Sita Ina Wae
Mo Pana Mete Tula Raran
Medio, Mei2023
Kebesa Liku Lewu